شعر باللهجة العراقية ...

اصبر الروح بيش و انت بيه الروح
و اذا تطلع اظلن بس جسد خالي
لكيتك من جنت ما لاكي كل الناس
انت اول محب و انت صرت تالي
يلكلك محبه و انت احن مخلوق
معقوله الحمامه اتصير كتالي
صح ماكو بجمالك اني ادري بهاي
و روجه رقتك ما كظها اي جالي
حرام اعليك تزعل ونته الصوج
اجيك انه اعتذر و بلا ذنب خالي
تزعل ليش
غالي و كلشي عندي و ما اهدك دووم غالي
و هسه حبك جيف صرت غالي
احسك تختلف عن كل الناس بعيوني اشوفك علنجم عالي
و اشوفن دمعتك ما جنها تنزل ماي
ذهب تنزل دمعتك تجدح اتلالي
الك بستان عمري بكل ثمن مزروع
راضي بكلشي منك كلشي يحلالي
اجيك و من ارد فارغ ارد للغير
و عنب بس اعله مودك تارس اسلالي
يمك انسه روحي و من اكون وياك
و على فنجان شفتك تركع ادلالي

يلكلك محبه و انت احن مخلوق
معقوله الحمامه اتصير كتالي

صح لسانك ولسان شاعرها ياورد

صح لسانك ويعطيك العافيه