لجميع اعضاء مناوي

السلام عليكم ورحمة الله وبركاته

اتمنى تعجبكم هالابيات رغم انها ثاني مشاركه لي







يا شين طبعٍ فيك.. يازين الأطباع
لولا الرجاء .. ما كان خلّيته .. يفوت


سَنَع .. يشوّه لا تذكّرته .. أسناع
مثل الحصاة .. اللي وسط عقد ياقوت


تخفي هيامك .. وإنت ميت وملتاع
ما تدري إنه في ملامحكـ .. منحوت


ويبخل لسانكـ .. وإنت للسمع .. طمّاع
والبخل .. في سِلْم المحبين .. ممقوت


الحكي .. قوت السمع / وأسامعي جياع
ومسامعي ماتت من الجوع .. للقوت




وحكي الغزل في صدركـ أشكال وأنواع
لكن صمتك .. حوّل الصدر .. تابوت




إذا طَلَبتكـ وصل .. صعّبت الأوضاع
مدري .. من اللي درّسك جعله يموت


تصد .. ما كنّك من الصد .. مرتاع
وإن قلت : يا القاطع .. تلفّت مبهوت


أقطع بـ دَرْب مواصلك في الشهر.. باع
وإلاّ إنت تقطع للوصل فـ السنة .. فوت


طعني .. وطاوع واحدٍ فيكـ .. ما طـاع
ناسٍ صغار عقول / وأشوار / وبخوت


وإلطف بحال اللي نحل حاله .. و راع ..
قلبٍ جروحه .. تنزف أفكار .. وبيوت


قلبي .. إلا منّه شرى قلب .. ما باع
وإنت هالله هالله فيه .. والعمر موقوت


اسمع أشعاري في الهوى وارخ الأسماع
ياللي غلاكـ بـ تربة القلب .. مكتوت


لا .. للفراق .. و لا .. لتجديد الأوجاع
ونعم .. نعم للوصل .. لو كان بالصوت

يعطيك العافيه سلمت وسلم نا طرحك

صح لسااانك خيووو

ويعطيك العاافيه

اسمع أشعاري في الهوى وارخ الأسماع
ياللي غلاكـ بـ تربة القلب .. مكتوت


صح لسانك ياورد

صح الله ابدانكم منكم استفيد اخواني واخواتي زوار منتدى مناوي

صح لسانك وعاشت ايدك

مشكوووووووووور يعطيك العافية

يعطيك العافيه اخوي

صح بدنك اخوي فيصل

اختي شموخ ربي يعافيك ويسلمك واشكر ردودكم جميعا ولكم فائق احترامي